०१) तपाईंको आफ्नो बारेमा लेख्नुहोस् ।
मेरो नाम मीना रिजाल हो । म नेपालको पुर्विय क्षेत्र बिराटनगरको बासिन्दा हुँँ ।
अहिले म भक्तपुर, बालकोटमा बस्दै आईरहेकी छु ।

२) तपाईंको आफ्नो शिक्षा र पेशाको बारेमा लेख्नुहोस् ।

मैले मेरो शिक्षा सामाजिक विज्ञान ( समाजशास्त्र ) पुरा गरेकी छु। सबैभन्दा पहिलो यात्रा मैले सिलाई बुनाइ तालिमदिने शिक्षकको रुपमा गरेकी थिएँ । आफ्नै घरनजिकैको विद्धालयमा एक शिक्षकको रुपमा कार्य गरेँ। त्यसपछी एक बालबालिका भएको सँस्थामा सामाजिक कार्य गरेँ। मैले विभिन्न प्रकारका तालिमहरुपनी लिने अवसर प्राप्त गरेकी छुँ जस्तै:- वाल्ड्रफ टिचिङ ट्रेनिङ , नेत्रित्व सम्बन्धी तालिम, स्वास्थय सम्बन्धी तालिम, शिक्षागत शैली सम्बन्धी तालिम, जीवनको लक्ष्य सम्बन्धी ज्ञानदिने तालिम ईत्यादी। अहिले मैले यस्तो ठुलो अवसर एक शिक्षकको रुपमा स्वामिको विद्धालय (श्री सञ्जय साई विद्धा मन्दिर)बालकोट, भक्तपुरमा प्राप्त गरेकी छुँ । अहिले बिगत २ वर्षदेखी त्यस विद्धालयमा एक शिक्षकको रुपमा कार्यरत छु । शिक्षाले व्यक्तिको जीवनलाई उज्यालो प्रदानगर्नुको साथै व्यक्ती आँफैपनी आफ्नो जीवनमा शौभाग्यरुपी सफलता हासिल गर्दछ ।

०३) अध्यात्मिकतामा तपाईंको आफ्नो अनुभव के छ ?

अध्यात्मिकता एउटा यस्तो बहुमुल्य मान्यता गुणमा आधारित शिक्षा हो जसले सच्चरित्र (नैतीक आचरण ), साहसिपन, दृढनिश्चय अथवा उर्जावान (कार्यक्षमता भएको); भावात्मक अथवा अरु धेरै व्यवहारिक आचारणका ज्ञानहरु सबैलाई एकै स्थानमा मिलाएर हासिलगर्न सकिन्छ ।

०४)  आत्मा विकशितमा तपाईंंको अनुभव ।
आत्मा विकशितले सकारात्मक गुणहरुको विस्तार तथा विकाश गर्नुकोसाथै जीवनमा शंतुष्टी र खुशी ल्याउँछ । त्यसकारण व्यक्तिहरु जस्तोसुकै कठिन परिस्थितिमापनी आनन्दको महशुस गर्दछन ।

०५) आत्मा विकशित कक्षाका विद्धार्थिहरुसंगको तपाईंको अनुभव के छ ?
जब बालबालिकाहरु आत्मा विकशित कक्षामा आउँछन त्यसपछी विस्तारै उनिहरुको बानी व्यवहारमा सकारात्मक गुणहरु देखिन थाल्दछ । उनिहरुलाई मन्त्र भन्न; भजन गाउन मनपर्छ र सबैभन्दा धेरै उनिहरुलाई चित्रकला कक्षा मनपर्छ । तिनिहरुलाई विभिन्न प्रकारका खेलहरु मनपर्नुको साथै केही अरु कृयाशिल कृयाकलापहरुपनी मनपर्छ ।